Hoekom...?

Mensig

2009-08-24T15:04:00.000+02:00

...lekker is lekker, maar hierdie was wragtag lekker!

En as jy wil weet hoekom...dink 'n bietjie aan die most obvious rede. Kom kom kom...jy het dit amper. Ag kom ek help jou maar...want 'n chef van formaat was aan die stuur; chef de cuisine Moi! :-D

Die arme hond!

2009-08-21T09:16:00.012+02:00

Op pad werk toe sien ek ’n rondloper hond wat mank loop. Vrae en antwoorde skiet soos blits deur my kop. Hoekom is die hond mank? Miskien is sy poot seer. Hoekom sal sy poot seer wees? Honde se sagte voet kussinkies bars en bloei van te veel loop. Hoekom sal hy te veel loop? Duh, dit is ’n rondloper hond…sê my gedagtes sarkasties aan myself.

Maar voordat my oog terug beweeg na die voertuie voor my (ek is eintlik in die proses om te stop by ‘n stop straat) sien ek iets aan die hond wat my aandag trek. Die hond se bek is oop, maar nie op die normale hond oopbek manier nie. Miskien het hy ’n been waaraan hy kou in sy bek? Nee wag, sy bek is nie ‘oop’ nie, dit hang slap. Maar…dit is asof sy onderkaak “dangle”. Sy kaak is gebreek! Arme hond!

En toe tref dit my…dié rondloper hond gaan vrek van hongerte. Dié arme hond het enorm baie pyn. Oor ‘n paar dae gaan die wond aan sy bek begin sweer. Die pyn en ontsteking gaan sy liggaam stadig maar seker af takel terwyl hy niks kan eet om homself op te bou nie. Hongerte wat die hond nog nooit in sy lewe ervaar het nie gaan binnekort inskop. Oor ’n paar dae gaan hy iewers in ’n sloot dood gaan van hongerte, pyn en ontsteking. Die gedagtes en beelde daarvan slaan my hard, ek voel dit tot in my gees. Die arme hond!

Ek voel magteloos. Hoe kan ek die hond help? Hoe gaan ek ‘n verskrikte rondloper hond in my kar geboender kry? En nog regkry dat hy nie besete raak agv die petalje en nog keer dat hy my byt met sy bebloede en reeds ontsteekte bek. Dit gaan nie help om die DBV te bel nie, oor 10 minute is die hond wie weet waar?! Ek kan nie eers die hond help deur hom na die stilte en pynloosheid vd dood te stuur nie! Ek voel so magteloos!

Die arme hond gaan ‘n stadige pynvolle dood sterf. Daar is niks wat ek daaraan kan doen nie. O Here! Dankie vir die nuwe aarde wat kom! Dankie dat selfs die diere gered gaan word van hierdie cursed wêreld!! Kom Jesus, seblief kom gou terug.

'n Aeroplane mechanic juffrou!

2009-08-14T12:19:00.031+02:00

So Danie, wat wil jy eendag word?

Vandag is weer een van daardie dae wat ek sukkel om oor die feit te kom dat ek moet vas staar in 'n vierkantige skerm met knoppies aan die onderkant. (Ja myne is oud, voor widescreen era). Ek is bored, ek is frustreerd met my werk, ek hou nie daarvan om heeldag in hierdie hokkie te sit nie. Ek lees mail, speel internet games, krap rond op die net, lees interessanthede, raak bored, lê met my ken op my een hand, muis in die ander hand...sjoe my werk is wonderlik! Honestly, party dae is dit wel lekker, maar hierdie laaste tyd is dit beslis nie.

So toe dink ek, wat kan ek doen wat meer vervullend is? Wat van 'n ambag!? Immers werk ek dan met my hande, hoef nie in 'n hokkie te sit nie en hoef beslis nie heeldag 'n keyboard en muis te operate nie. Die internet het handig te pas gekom en na ek 'n hele lys ambagte deurgegaan het vang een my oog. 'n Vliegtuig mechanic!!! Dit klink super...enige laaitie se droom!? Right? Ja ek hoor wat jy dink; spanners, olie, grease, butt cracks...! Nee regtig, daar is heelwat meer aan vliegtuig mechanic wees as wat jy dink. Mechanics swaai nie net spanners rond, lees Die Son, bum sigarette en praat heeldag oor booze, bikes en babes nie...Ja regtig, daar is meer aan mechanic wees as hierdie stereo typing wat omgaan. Dink 'n bietjie met hoeveel jy 'n vliegtuig mechanic vertrou? Sodra jy jou voet binne die vliegtuig sit getuig jy dat jy die mechanic met jou lewe vertrou. Meer vertroue bestaan nie. Die vliegtuig kan nie gaan staan langs die pad omdat die mechanic 'n fout gemaak het nie, die verantwoordelikheid is bitter groot! So never mind the pilot, as die mechanic droog maak dan is dit tickets met jou en jou vliegrit. So gepraat van droog maak, hier is 'n insider's tip...moenie Dinsdae vlieg nie! Hoekom? Maandae mechanics het gewoonlik babbelas...so oppas vir die vliegtuie wat Maandae aande uitgecheck word by die workshop en Dinsdag gevlieg word. Of hoe anders? :-) tsk-tsk!

Elkgeval, hoekom werk ek? Hoekom werk jy? Die bottom line is geld, jy werk want jy het geld nodig. Maar hoekom is werk soveel moeite en baie keer baie sleg? Hoekom neem dit soveel tyd in beslag? Hoekom is soveel mense arm en werkloos? Die beter vraag is, hoekom God? Hoekom al hierdie swaar kry en elende!? God jy is dan almagtig en jy is dan liefde!?

Die bybel sê dat jy "met die sweet van jou aangesig" jou brood sal verdien en dat "die armes altyd met ons" sal wees. Hoekom sê die Bybel so? Ons is besig om te suffer in 'n gevalle en sondige wêreld en die rede daarvoor is omdat Adam en Eva teen God gerebelleer het. Maar dit is hulle en nie ons nie, hoekom moet ons suffer? Wel, ons almal rebelleer teen God en breek sy gebooie. Het jy al ooit 'n leuen vertel? Almal is daaraan skuldig. Jy is 'n leuenaar, jy maak nie die cut nie, jy is skuldig. Daar is nog baie ander gebooie wat ons ook kan toets vir ingeval jy 'n leuenaar is en nie wil erken dat jy soms lieg nie. Het jy God lief met jou hele hart, jou hele verstand, met alles in jou? Nee.

So waarheen is ons op pad? Ons almal se voorland is die dood. Nie een van ons verdien om te lewe nie. Daar is egter 'n manier om die doodstraf vry te spring: maak reg met God! So eenvoudig soos dit! Vra Hom om jou te vergewe en te verlos van jou rebellie. En commit jou lewe daartoe om Hom te dien. Veroorsaak die idee rebellie in jou hart? Nog meer rede om jou hand uit te steek en te vra vir redding en verlossing! Doen dit en jou lewe sal sommer meer sin ook kry.

Vir die wat alreeds gered en verlos is; jy gaan nie jou oë oop maak in die hemel as jy dood gaan nie. Ja jy het reg gehoor, jy gaan dit oop maak op 'n aarde wat nogsteeds verrot is soos wat dit nou is, maar die verskil is dat Jesus daar gaan wees! Dan gaan Hy die aarde regruk en ons gaan Hom help; die aarde gaan weer soos 'n paradys word, die nuwe aarde! En dan gaan werk nie meer 'n curse wees nie, dit gaan lekker wees, elke dag, aanmekaar. Daar gaan geen armoede wees nie, daar gaan geen hartseer wees nie, God self gaan elke traan afdroog.

14 Augustus, jaar 145 726 507 776 654 op die nuwe aarde.

Koos: "Hi Danie, jou lanklaas gesien. So wat doen jy vir ontspanning deesdae?"
Danie: "Hi Koos, my ontspanning is my nuwe werk wat ek begin het; ek boer deesdae met vrugte. My boord het al net so oor die 700 bome. Ek het alles self geplant! Dit was super! Jy sal nie glo watse amazing lekker perskes ek kweek nie! Ek kan nie glo dat ons in die vorige lewe gedink het dat organic food so fantasties is nie, ons het beslis nie geweet waarvan ons praat nie!"
Koos: "WOW, amazing! Dalk moet ek ook oorweeg om te boer. My laaste 10 000 jaar van niks doen en rondrys was regtig onbeskryflik lekker, maar ek is nou lus vir iets nuuts, sal jy my leer?
Danie: "Off course! Dit gaan super wees!

Hoekom stres ek...?

2009-08-11T12:47:00.004+02:00

Djy weet nê!? Ek verstaan nie myself nie. Vanoggend draai my maag en trek dit op ‘n knop van die stres. Ek verstaan nie hoekom ek stres nie!!!!! Maar ek doen in anycase...ek stres oor die emails wat inkom en kry so warm ongemaklike gevoel asof die flippen goed my gaan byt en asof ek moet jaag om hulle te antwoord of iets, en dan doen ek gewoonlik, probeer so gou as moontlik die freaken goed antwoord en klaar kry. Gewoonlik doen ek dit tjop-tjop en is daar geen rede om te stres nie, maar ek doen tog.

EN dan is my flippen maag op ’n knop omdat ek stres om Die Baas te sien...WHY!!!!!!!!!?????? Ek het geen rede om te stres nie! Ek is nie agter met my werk nie, ek het nie droog gemaak nie, ek het niks gedoen waaroor ek hoef te stres nie, maar ek doen tog nogsteeds!! Vanoggend toe dit lyk of dit sy kar is wat hier inry toe trek my maag op ’n knop en klop my hart sommer, elke liewe keer as die kantoor se deur kraak dan kry ek hierdie ongemaklike en stres gevoel van sênou dit is hy...ek hou basies my asem op totdat ek die persoon se stem hoor.

Ek het papiere in my kar gelos wat ek na Die Baas se partner wou vat om te teken, maar het besluit om dit eerder te los totdat Die Baas terug is...ek stres selfs oor om die flippen papiere te laat teken. Ek stres oor ALLES!!!!! Hoekom!!!??? As dit so aangaan dan het ek oor ‘n halfuur alweer sooibrand agv die stres.

Ek het gisteraand bietjie down gevoel en dit het ‘n groot invloed op my stres vlak, as ek depressief is stres ek soms 20 keer meer, juis omdat ek nie lus is vir stuff nie. Ek hanteer stres situasies baie beter vandat ek die pille (anti-depressante) begin drink het. So aan die een kant glo ek het die happy-hormoon issue (die feit dat my lyf te min daarvan produseer) iets te doen met die stres, aan die anderkant wonder ek of dit nie ‘n gewoonte is wat gevorm het nie...soos Pavlov se brak. Die vraag bly egter nog staan...hoekom stres ek!?